Դիտորդ – հետաքրքրված է խնդրով, կարող է այցելել վեբկայք կամ տեսնել սոցիալական ցանցում հրապարակումները, մասնակցում է ձեր միջոցառումների

Հետևորդ – համաձայնում է ստանալ տեղեկատվություն,տրամադրում է կոնտակտները կամ բաժանորդագրվում է, կարդում և դիտում է ուղղակի հաղորդակցությունը

Աջակցող – մեկանգամյա կամ միանշանակ գործողություն, որն ունի ցածր ռիսկայնություն և չի պահանջում շատ ներդրում։ Կիսվում է բովանդակությամբ սոցցանցերում, մասնակցում ստորագրահավաքին, փոքր նվիրատվություն

Ակտիվիստ – Բազմակի գործողություններ, որոնք պահանջում են ժամանակի, ռեսուրսների, կապերի նշանակալի ներդրում։ Միանում է որևէ խմբի, կամավորություն անում, բովանդակություն է ստեղծում, մեծ կամ պարբերական նվիրատվություններ, 

Առաջնորդ – Շարունակական ներգրավվածություն, ժամանակի, ռեսուրսների և կապերի մեծ ներդրում։ հրապարակումներ է անում արշավի մասին, հանրային ելույթներ ունենում, ակտիվորեն նոր կամավորներ և աջակիցներ հավաքագրում։

Կազմակերպիչ – Առաջնորդում է այլոց, կենտրոնանում է կարողությունների զարգացման, աջակիցների կազմակերպման վրա։ 

Աջակիցների ներգրավվածությունը խթանելու լավագույն միջոցը հանրային արշավների իրականացնումն է։ Հանրային արշավը որևէ խնդրի լուծման նպատակով թիրախային, կազմակերպված գործողությունների համախումբն է։ Արշավի ընթացքում ձեր կազմակերպությունը ձգտում է կենտրոնացնել իր ռեսուրսները և վերածել ազդեցության լծակի ցանկալի փոփոխությանը որոշակի ժամկետում հասնելու համար։ Օրինակ, մեր կազմակերպությունը, որն աշխատում է կրթությունից դուրս մնացած երեխաների հիմնախնդրի լուծման ուղղությամբ, կարող է ունենալ իր ընթացիկ գործունեության տարբեր բաղադրիչներ։ Օրինակ, ծառայությունների տրամադրում, դասընթացներ, հետազոտություններ և այլն։ Բայց ինչ-որ պահի մեր կազմակերպությունը կարող է փորձել համախմբել իր ռեսուրսները և որոշակի ժամանակահատվածում հանրային արշավի միջոցով հասնել նրան, որ որոշում կայացնողներն օրինակ որևէ օրենսդրական փոփոխություն իրականացնեն։  

Այն թե ինչպես մենք կարող ենք այս օրինակում ազդեցություն ունենալ որոշում կայացնողների վրա, կախված է նրանից, թե ինչպիսի ռեսուրսներ ունենք մենք և մեր աջակիցները։ 

Կարծիք/ձայն – զանգել, նամակ գրել որոշում կայացնողներին, մասնակցել ստորագրահավաքի, ցույցերի, կազմակերպել քննարկում ընկերների, հարևանների հետ

Հարաբերություններ – հրապարակումներ սոցիալական մեդիայում, ընկերներին բերել ցույցի կամ որոշում կայացնողների հետ հանդիպմանը, հրավիրել ընկերներին միանալ կազմակերպությանը/արշավին կամ տեղական նախաձեռնությանը

Քվեարկել – քվեարկել, կազմակերպել և ուղորդել մյուս ջակիցներին

Փորձառություն – գրել թե ինչպես է խնդիրը ազդում/ազդել նրանց վրա,կիսվել պատմությամբ ցույցի ընթացքում, հրավիրել որոշում կայացնողներին, ազդեցիկ անձանց խմբային քննարկումների 

Ստեղծարարություն-հմտություններ – մասնակցել վիդեո-արշավի, գրել արշավի սլոգան կամ երգ, պոստեռ սարքել, ֆոտո ուղարկել, խնդիրը արձանագրել և բարձրաձայնել

Նյութական ռեսուրսներ – նվիրատվություն, սարքավորումներ, պոստեռներ/տրաֆարետներ բերել ցույցի, հանդիպումների անցկացման վայր տրամադրել իր տանը/գրասենյակում

Այս ռեսուրսները ազդեցության վերածելու համար մենք պետք է սահմանենք որոշակի մարտավարություններ․ օրինակ ստորագրահավաք, ցույց, օնլայն արշավ և այլն։ Մարտավարությունները ընտրելուց հետո պետք է այն դնել հերթականության մեջ՝ կազմելով աջակցի ուղին։ Աջակցի ուղին գործողությունների հերթականություն է, որը աջակիցը պետք է իրականացնի արշավի ընթացքում։ Օրինակ, արշավի ընթացքում աջակիցները պետք է կիսվեն իրենց պատմություններով, կազմակերպեն ստորագրահավաք, և այլն։