Փուլ 3. Գնահատում

Այժմ վերադառնանք ազդեցության հարցերին և HDIF-ի օրինակներով տեսնենք՝ ինչ ենք բացահայտում տվյալների վերլուծության միջոցով:

Տարիներ շարունակ իրենց ընտրած խնդիրը լուծելու ուղղությամբ աշխատող սոցիալական ձեռնարկատերերը պարբերաբար իրենք իրենց պետք է ուղղեն այս հարցը:

Ահա որոշ հարցեր, որոնք կօգնեն վերանայելու ձեր մոտեցումը խնդրին. 

• Արդյո՞ք սոցիալական խնդիրը դեռ խնդիր է: 
• Արդյո՞ք հիմքում եղած պատճառները նույնն են, ինչ նախկինում: Դրանք դեռ տեղի՞ն են: 
• Արդյո՞ք պայմանները նույնն են, ինչ նախկինում: 
• Ի՞նչ է փոխվել այն օրվանից, երբ դուք սկսեցիք առաջարկել ձեր լուծումը կամ արտադրանքը: 

Օրինակ, եթե ինչ-որ կետում HDIF-ը պարզի, որ հայաստանյան հասարակությունում կանայք հզորացել են և տղամարդկանց հավասար մասնակցություն ունեն ձեռնարկատիրական, հասարակական և քաղաքական կյանքում, սոցիալական ձեռնարկությունը գուցե որոշի փոխել իր ծառայությունների կազմակերպման ձևը կամ գուցե անգամ դադարեցի գործունեությունը: 

Ձեր հարցաթերթիկները կներառեն մասնակիցների բնութագրիչների վերաբերյալ որոշ հարցեր: Այս տվյալները թույլ են տալիս ավելի ճիշտ գնահատել, թե ով է օգտվում ձեր ապրանքներից և ծառայություններից: Այսպիսով՝ բավարար տվյալներ կունենաք՝ գնահատելու համար այն սեգմենտների հարաբերական մեծությունը, որոնք բազմակի բնութագրիչներ ունեն: 

Օրինակ՝ HDIF-ի պարագայում ընդհանուր առմամբ 42 կանանց են զանգահարել տվյալներ հավաքելու նպատակով, որոնցից 39-ն է հասանելի եղել: Հարցման մասնակիցների բնութագրիչները մանրամասն ներկայացված են ուղեցույցում։

Այս դեպքում ռեսպոնդենտներից 18-ը HDIF-ի ապրանքի արտադրության շուրջ 4 տարվա փորձ ունեին, իսկ ևս 21-ը աշխատել է ավելի քան 4 տարի: Այս խմբերի համար ստացված տվյալները համեմատության արժանի են: 

Մենք արդեն չափել ենք վերջնարդյունքները: 

Երբ հարցման մասնակիցներին խնդրում են գնահատել HDIF-ից ստացված եկամուտների տոկոսն իրենց ընտանեկան բյուջեում, նրանք շատ են դժվարանում դա անել, քանի որ HDIF-ի հետ աշխատանքը կանոնավոր բնույթ չի կրում, և իրենք աշխատանք են ունենում միայն այն ժամանակ, երբ HDIF-ը պատվերներ է ստանում: Որոշ դեպքերում պատվերները սեզոնային են լինում, և ինչպես նշում են հարցման մի քանի մասնակիցներ, Սուրբ Ծննդյան տոներին, Նոր տարուն և Զատկին նախորդող շրջանում ամենաշատ պատվերներն են ստացվում: 

Ի պատասխան այն հարցին, թե միջինում տարեկան կտրվածքով որքան է կազմում HDIF-ի ներդրման տոկոսը ընտանիքի եկամտում, հարցման մասնակիցների ճնշող մեծամասնության համար HDIF-ից ստացվող եկամուտը ընտանեկան բյուջեի փոքր մասն է կազմում: Հարցվողներից 20-ը նշել է, որ HDIF-ի ներդրումն իրենց ամսական միջին եկամտի 20 %-ից պակաս է, 15-ը՝ որ այն 20-40 % է: 

Սակայն որակական պատասխանները բացահայտեցին, որ սա չի նշանակում, թե այս եկամուտը բյուջեի անկարևոր մաս է: 

39 կանանցից միայն 7-ը եկամտի այլ աղբյուր ուներ (մեծ մասն աշխատում է տեղի դպրոցում կամ մանկապարտեզում, մյուսները հագուստ է պատրաստում կամ վարսավիրություն անում/դերձակներ կամ վարսավիրներ են): Մյուս դեպքերում ամուսինները կամ ընտանիքի այլ անդամներն էին բերում ընտանեկան բյուջեի մեծ մասը, իսկ HDIF-ը նրանց միակ սեփական եկամտի աղբյուրն էր: Ընտանեկան բյուջեում ներդրում ունենալն այս կանանց շատերի կյանքում, նրանց իսկ խոսքերով (դրանք մեջբերված են ուղեցույցում), կարևոր ազդեցություն էր ունեցել։ 

Կյանքից բավարարվածության մակարդակը տարբերվում էր՝ ըստ նրա, թե որքան ժամանակ են աշխատել HDIF-ի համար: Այն կանայք, որոնք հինգ տարուց ավելի է, ինչ աշխատում են HDIF-ի համար, միջինում 6.30 են գնահատել կյանքի որակից իրենց բավարարվածությունը և այդ բավարարվածության 55%-ը վերագրել են HDIF-ին: Այն կանայք, որոնց HDIF-ի հետ աշխատանքի փորձը չորս տարուց պակաս է, իրենց կյանքի որակը միջինում 5.94 են գնահատել և դրա 48.3%-ը վերագրել են HDIF-ին: Քանի որ փոքր խմբի հետ գործ ունենք, կարելի է զգուշավոր ենթադրություն անել, որ որքան ավելի երկար են առնչվում HDIF-ի հետ, այնքան ավելի բավարարված են կյանքի որակով: 

Քանի որ այս տեսանյութերում HDIF-ի օրինակը պարզապես բերվում է, որ ավելի հստակ ներկայացնենք ազդեցության չափման և գնահատման գործընթացը, այստեղ մյուս արդյունքների/վերջնարդյունքների մասին շատ մանրամասնորեն չենք նշի, դրանք բոլորը ուղեցույցում առկա են։